*من أجمل ما كُتب للمّ شتات العروبة*
~~~~~~~~~~~~
العرووبه
تحياتى للعرب اللى على قلبى عزاز
الرك على المحبه مش عنوان الجواز
ولا حتى فين السكن
الرك على العروبه
وعشق الوطن
وتحيه لما زورت
ليبيا وقولت
النخيل بيمشى
جوه القلب
وخفيف على رمشى
ماكنت عايز امشى
ولا حسيت انى زائر فى الخضرا
الجزائر
حسيت انى وليد واحد تانى جديد
فى ارضك يا جزائر
يلد المليون شهيد
حبيى فى النيل يسيل
من اول الزمان
باخويا ابن النيل
فى وطنى السودان
قلبى خلاص مشتاق لارضك ياعراق
البصره وبغداد يصعب عليا الفراق
ياسوريا يا انتمائى ارمى ف ارضك دمائى
شربت الحب منك امتى اكون الساقى
يا شقيقى يافلسطينى انا خجلى مغطينى
حنينينى اللى بيوجعنى وعروبتى بتوطينى
وتونس يا وحشانى يا ارض القيروانى
تسلمى من الشرور يا ارض الخير والنور
والمغرب فى المغارب نفسى الفها فى قارب
وعلشانها احارب حبيبتى يا مغرب
وحشانى من زمان جبالك يالبنان ولا كتر
الحسان ارجع لك واقرب
وحجاز يا مطلبى انا دينى ومذهبى للارض الحرام
ولبس الاحرام فى ارضك يانببى ده كل مطلبى
والاخوه والاخوات فى ارض الامارت بنشر السلامات
على كل بنت و على كل صبى
انا بس مطلبى
متسئل يا قلبى فين حبايبى فى البحرين
والاردن وعمان اروحها من زمان
الفن والفنان والامن والامان
الحب ماله تمن فى الروح بيؤتمن
العزم والاصرار تلقاه جوه اليمن
وعمان والخلان حبايب من زمان
والحب اللى انشطر بين مصر وقطر
مايهمنا الكراسى القلب المصرى يواسى
لو حس بالخطر
وتحيه وعروبه بالود مصحوبه
تحياتى للعرب اللى على قلبى عزاز
الرك على المحبه مش عنوان الجواز
ولا حتى فين السكن
الرك على العروبه
وعشق الوطن
الشاعر سمير عبد الحليم الجمل
