:(أَفَحَسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لا تُرْجَعُونَ):

منحتي من محنتي -- مواقف من حياتنا

ربنا ماخلقش شىء عبثاً أبداً

الكاتب: حجابي حصني

السلام عليكم ورحمة الله وبركاته

بالنسبه للحاجه اللى انا اتعلمت منها هو انى فى دراستى أتعرفت على زميلة لى ولكن كانت معرفه سطحيه جدا ودائما كنت أتعجب

ليه أنا أعرف الزميله دى إيه سبب معرفتى ليها لأننا ما كناش اصدقاء اوى

وكنت عايزه أعرف إيه رسالة ربنا ليا من إنى أصاحبها وأعرفها

وبعدين فى يوم لقيها جايه لى وقالت لى عايزاكى فى موضوع مهم انا استغربت لاننا

مفيش بيننا مواضيع مهمه !

لقيتها بتقولى إن عندها مشكله وبعدين إتكلمنا وكانت مشكله كبيره شويه بس الحمد لله

ساعدتها بفضل الله طبعا والمشكله اتحلت

وقتها بس عرفت انا ليه عرفتها وعرفت ليه ربنا خلانى أعرفها واصاحبها

واتعلمت انى مهما كان المكان اللى انا فيه اكيد ليا لازمه فيه وآمنت أوى بكلمة شيخنا

وأستاذنا أستاذ مصطفى حسني

وهى مقامك حيث أقامك

واتعلمت ان ربنا ما خلقش شئ عبثا ابدأ و ربنا قال لنا :(أَفَحَسِبْتُمْ أَنَّمَا خَلَقْنَاكُمْ عَبَثاً وَأَنَّكُمْ إِلَيْنَا لا تُرْجَعُونَ)[المؤمنون:115]

بجد اتعلمت معنى الايه دى اوى الحمد لله ربنا يزدنا علما ياارب