المركز الخامس عشر مكرر وحيد موسي عيد مصر عن قصيدة فاكر الأمان

فاكر الأمان
أيام كان موجود وسط البيوت ، والأبواب من بعد العشاء متفتحة حتى الأذان ، يا سلام !
فاكر زمان
أيام كانت الموضة حلق وخلخال ، بكل احترام .
دلوقتي ما تعرف الولد من البنات ، كله لابس سلسلة وانسيال ، تقول له ياواد عيب ، يقول لك : ليك شوق في حاجة ، فاكرني غلام .
فاكر زمان
أيام كان الشيخ بيفتي بالحق بعد التأني والدراسة .
دلوقتي أصبح كل من هب ودب بيفتي ، عامل فيها أبو عرام .
فاكر زمان
أيام العدل في المحكمة ، بعد الجلسة ، تخرج تقول : يحيا العدل ، تعظيم سلام .
دلوقتي أصبح البريء من أول جلسة ينطق سعادته، يقول إعدام !
أيام كان الجيش يقولك يا ابني احفظ بلادك من العدو ، دلوقتي العدو يقول لك فين الوطن ، جتكوا السخام !
فاكر زمان
أيام كانت المواصلات فاضية ، أسعار رخيصة ، تركب قطار ، تركب ترام .
لكن دلوقتي شفت الكباري فوق بعضها ، في المترو ناس متبعترة ، شفت الزحام !
فاكر زمان
أيام كان الرجل العجوز في الباص تاخد بيده ، تقول له تعالى اقعد مطرحي ، دي تيجي بردو ، أنا واد همام .
:::::::::::::::::::::::::::::::::::::::::::::::