المركز الثانى عشر مكرر محمد عبد الله سعيد السعودية عن قصيدة خذني على اسوان
خذني على اسوان
من رمسيس انا مسافر
على الأقصر على أسوان
في القطر اللي بيعدي
على الناس الجدعان
من أول صعيد مصر
أنا شفت حضارة الإنسان
وعديت بلاد كثيرة
وشفت الكرم اشكال والوان
والقطر طول الليل ماشي
بيمسي على حبيب سهران
والنيل علينا بيسلم
والترعة دي حاجة جنان
شفت انا من مصر حته
والباقي جي كمان
وعن الأسمراني اسألوني
دا صاحب الضحكة جِنان
وتعرفت على ناس ذهب
وبقى لي أحباب وخلان
الأقصر بلد التاريخ
وناسها كرم واحسان
وفي اسوان حضنت النيل
لقيت ناسها مليانة حنان
مصر يا أم الدنيا
يازينة الوجدان
