رتم الحياة ..واحد
صابح وبايت .........فيه.
والقلب ....متاخد
مابين ...متاهة ... وتيه.
والروتين ..شاهد
سطر انكتب .......تحتيه.
فى السابعة جاهد
فى العاشرة ......تنهيه.
ساكن هنا ...راقد
والحلم .....ليل بناجيه.
وف سهرة بتواعد
عمرى اللى فات أحكيه.
دوار كما الساقية
والتور ...مغمى ..عينيه.
بين لحظة والتانية
بتدوره ..وياالمدار رجليه.
داير.... كما الدنيا
حافظ ... تمام ...خطاويه.
والدايرة ...مرسومة
محكومة ..من ....حواليه.
والهدمة .....والنومة
ستر ...الإله .......يحميه.
ولا عمره ....يوم فكر
فى .. رحلة .......للترفيه.
ولاطامع يغير رتم الحياة
وكفاية..طعم الرضا يكفيه.
