اختيــــــــار الله
************
حبك ياحبيبتى
مش اختيارى
ولا كان يخطر فى بالى
انك تحبينى
دخلتى قلبى
من غير ما اعرف
وملكتينى
بقيتى النور
اللى بتشوف بيه عيونى
بقيتى دمى
اللى بيجرى فى عروقى
بقيتى نبض قلبى
اللى بيه عايش
وغيرك مش شايف
حتى الضحكه
اللى على الشفايف
بتبقى منك وليكى
وكل دا
مش اختيارى
دا اختيار
رب عالى
رب قادر
خلاكى تحبينى
لما اقعد مع نفسى
وافكر فى حبك ليا
بحسد نفسى
علشان انتى
كتير عليا
انتى نجمه
فى العالى
وعلشان ربنا
اعلى من كل عالى
هدانى قلبك
وزرعك جوايه
طب بزمتك
لوحد غالى عليكى
وعطاكى هديه
هتنسيها
ولا هتخبيها
فى مكان غالى
طب لما يهدينى
الرحمن هديه
اقدر اسيبها ولا انساها
مش هلاقى مكان
غير قلبى وعنيه
اخبى فيهم
اجمل هديه
فمتستغربيش
دا مش اختيارى
دا اختيار
رب عالى
رب عالم بحالى
فهدانى اجمل هديه
فهتفضلى فى قلبى
وفى عنيه
ودا مش اختيارى
دا اختيار رب عالى

*****************
.•*´¨`*•.¸¸.•*´¨`*•

بقلم / لطيف نصيف

.•*´¨`*•.¸¸.•*´¨`*•

.•*´¨`*•.¸¸.•*´¨`*•

السبت / 5 / 12 / 2015