اضرب بشدة وكويس
عالمغتصب والمتحرش
يارب داهية دى تاخدهم
ووباء وفيروس يفركهم
فين الرجولة والنخوة
فين الشهامة بدون قهوة
ولا كنا نسمع مرة زمان
عن كلمة تجرح للانسان
كان الشرف هو العنوان
وعادات جميلة وخير وسلام
شوفوا الدليل كده فى الأفلام
الست كانت حرمة زمان
يحميها جارها مع الشبان
ومهما لبست فى الفستان
الأصل هو رجال جدعان
دلوقت ليه تغيير أحوال
قال ايه تحرش مع توهان
فين الرجولة للشبان
ازاى تمد الايد يا بعيد
وتنتهكك حرمة وسعيد
ترضاها لأختك بالتحديد
وفضيحة تكبر كده وتزيد
ربك ده عادل بالمرصاد
كله قاعد لك يا صياد
ويقولوا أصله بيهيس
ده شاب روش كده متحرش
سواق واعمى لاى قطار
ده يفرمك وتخش النار
ولا سابوا حد حتى الأطفال
يتحرشوا والعقل احتار
شيطان معشش فى قلوبهم
والشهوة بلوة فى عقولهم
من عيلة واطية ومنحلة
وتربية ناقصة ومختلة
حشيش وبانجو مع إدمان
والبلطجة بقت العنوان
أعداء تخطط بالهيروين
تدمير بادمان لشباب الجيل
فوقوا واصحوا يا مصريين
دى الهجمة شرسة بشكل كبير
وآثارها واضحة بأصابع
حروب باسم الجيل الرابع
يعنى يدمروا فى التعليم
ويشوهوا فى تعاليم الدين
ويبقوا أما داعشيين
ومغتصبين ومتحرشين
داهية تاخدهم قولوا أمين
ومصيبة من رب العالمين
بدعة غريبة وعجيبة
شباب تعالب مع ديبة
يارب اسحقهم بالنار
انت العزيز انت الجبار
مع تحيات الفقير الى الله