[[[[[[[[[[[ فين زمان ]]]]]]]]]]]]]
فين القلوب الطيبه
يازمن ملاك العيبه
فين اخلاصنا لبعضنا
ونسينا ليه الطيبه
كنا نخاف ع الجار
دي وصيه الرسول
لو حد كان يتألم
نجري عليه علي طول
ونقف معاه نسنده
واجري أجيب دكتور
وزمان الحب كان
مش نت مليان رسايل
صحيح كان فيه جواب
لاكن مليان مشاعر
دلوقتي آاااه واااااه
يارتني ما كنت شاعر
شايف بعيني شباب
عايزه الجنيه السهل
عالنت عامل بنت
قاعد ومتمتع 
ياخسارة علي الرجوله
إمتي اللي راح يرجع
والشعر شكله غريب
هايش كده ومنكوش
لو حد قاللي معاك
هقوله معرفهوش
والدقن رباها 
ولسه ناقصة ربايا
لو سنه انا هسكت
وادعيله من جوايا
حاطت لبانه في بؤة
والبنطلون ضيق
ويقولي حريه.
وع الخلق بيتريق
لما إنتا بالشكل ده
خليت لاختك إيه
إللبس نفس إللبس
شكراً سعاده البيه