اعذريني
اعذريني اني بحبك… حب مش قادر اوصفه
ولا عَرفه
اعذري اشواقي ليكي
لما قلبي بيناديكي
ولهفتي لنظرة عينيكي
قلبي مني بتخطفه
اعذريني ان كنت عاشقك
كل وقتي اقضيه في عشقك
خايف اكون بالعشق خانقك
بأهتمامي
بالسؤال دايما عليكي
بنار غرامي
وغيره نار تحرقني بيكي
اعذري قلبي الحنيين
اللي مهما آسيتي
لين
مهما يزعل مش مبين
أعذريه لانه اما حبك
حب ملاك ملايكه بتحرسه
اعذريني اني بحبك
حب مش قادر اوصفه
محمود ابوالوفا
الان
