صعيديه

صعيديه و سمارك عاجبني
و مهما أوصف جمالك
جمالك غالي و غالبني
و مهما أتغرب عن عيونك
سهمها ديما صايبني
أجري و أدور عليكي
و لأقرب مكان منك
قلبي واخدني و ساحبني
يا سمره أنا كلي ليكي 
و كل كلمه على لساني تطالبني
أرجع لأجمل أمنيات
وأشواقي في هواك تخاطبني
صعيديه و الأصل فيكي عالي
زي الشمس معروفه لما
تضحك و تبدد ليالي
و القمر ضيه على جبينك
يرسم ملامحي و يلالي
و الورد يرقص على 
خدودك و يغني موالي
صعيديه و سمارك عاجبني
و مهما أوصف جمالك
جمالك غالي و غالبني
اشرحي لي يا سمره
ازاي قلبي حبك
و ازاي حبتيني
و ازاي عيونك الحلوه
اتكتبت علي جبيني
و ازاي نبض قلبك
جوا قلبي يدفيني
اشرحي لي
ازاي اخدتي قلبي مني
و تاهت مني عناويني