( اتأخرت.... كتير )
''''''''''''''''''''''"""""""""""""""""""""""""""""
أتأخرت كتير عليه ..
يا شمس ......... الصباح
والليالى بطولها 
غايبة............ فى الجراح.
قوللى ليه ياليل ...طوييييل
تاه الدليل ...
قوللى ليه ..
مليان ...تماللى .....بالنواح.
يا ضياء الفجر ...قوللى
ايه جرى ..اتأخرت ....ليه؟
ايه مخبى ..فى الغياب
الدنيا ضاقت 
وأنا .....وسط ........البراح.
والقلب غرقان
فى الأنين .....ويا السكات
والدموع اتحجرت
والصرخة جوه الحنجرة
ماتت ومات فيها ......البواح.
ولفين ياليل ..
حزين تروح ...
ويا الحنين .واللا ...لجروح 
الفؤاد ..ودع بقايا..الانشراح.
يا بكرة ...فينك 
غبت ليه ؟
فى انتظارك ..والثوانى
بتجر الدقايق 
والساعات ...اتعطلت 
والسكوت ...كتم ...الصياح.
والظلام ..عم المكان 
والناس ...نيام 
والعتمة ..كاتمة 
صوتها ...أنة 
والأنين ... مكلوم
يصارع ......فى ....السماح.
يا بريق الصبح ياللا
هات ..شعاع 
يكشف ...الضلمة 
اللى غطت ....ع النفوس
والنفس ..غرقانة ف سفاح.
والبنت تايهة 
فى لبس ....الولد 
والولد ...
طوق رقبته بسلسلة
محتاج ..مراية ...ومكحلة
والبنطلون 
ساقط عشان ........يرتاح.
والشباب العترة 
واقف ع .. النواصى
واللبانة ...ف بقه
تايهة فى المراسى
والسهرة واخداه للصباح
ولا فيش ...............صباح.
وصراخ ودوشة ..
تقول فرح...
زعيق ...نهيق ...
والكلاب ..ركنت 
هناك عند الرصيف
جنب الطريق ...علشان تنام
ساكته ..وسامعة 
صوت ........... ........نباح .
والصوت منين ؟
جاى من بعيد 
جى من عند ...الشباب
حتى الكلاب مستغربة 
ديلها ...اتعدل 
الناس نيام ...طول النهار
قولولى ليه ....ييجى الصباح.