ضمة عطر
تراني اشتقت لقليبك لضمه
أحس المسك بنسومك وشمه
متى ترجع ترى تطريك روحي
ياربي أسألك شملي تلمه
أهوجس بيك كل ليله عشيه
وشوف الزول من يقبل عليا
وسولفلك كأنك بين ايديا
وشوقي ليك شوق الطفل لمه
أشوفك بالحلم وافرح لوحدي
تراني أحترق بينار. وجدي
حنين النوق لما النوق تحدي
تهدهد هالقلب وتشيل غمه
أعد ايام لرجوعك وناظر
أبيك تعود، بعدو القلب ناطر
ياعمري ان كان عندك ليا خاطر
لاتزود،بقى عالقلب همه
أروح لبابكم وارجع وحيده
حتى الورد قلبي مايريده
تظل. الروح من بعدك شريده
بلا طيفك يزيدالليل ظلمه
أمني الروح بيليلة رجوعك
وقلبي ينزرع جوا ضلوعك
ياضوعة عطر من تلفي يا ضوعك
بعدك دنيتي ماهي مهمه
أبد روحي ماتتحمل مراره
وليلي ماعدت أرغب ا سراره
تراني أنتظر منك إشاره
وتعرف بعدها أنت التتمه
بقلمي أميره صليبه
