" أ صار وجرى "

***
تعالى شوفْ الصارْ وجرى
الديرْ گلبة مگبره
يا يمّا ما ظلْ سترْ
الدارْ خيمة محجره
لگمة جهالي عسّرْ
الجرح زادْ وما بره
***
محاصرينا شوية چلابْ
گبلْ چانوا مسخره
الواوي سيدْ عالسبعْ
مسؤول وشكلْ محكمة
يا دير الچانتْ دوا
بهواها العليل مكدره
***
معگوله الحلوة صفة
أيدها ع خدها صافنه
گبلْ چانْ الصيفْ
مشية مشوارْ وغندره
سهراتْ للصبح الخلگْ
مونسه وفراتْ يسامره
***
أَحلف ما يلبگلچ حزنْ
يا دير الوفا الساحره
گوى گسر يا يمّا
شبابچ صفة مهاجره
معود الچان يسافرْ
خطوة لگدامْ وعشرة وره
***
گلب ما يعطي للمفارگْ
يرده الحنينْ مسابگه
چمْ واحدْ هاجرْ
ردْ عادْ ملوي الخاصره
يا حيفْ الدير چانتْ
تسبي عيونْ ناظره
***
صارتْ خرائبْ حدائقها
مگابر بالديرْ متناثره
صعبْ ننسى الفراتْ
ماضيه بوجدنا حاضره
چمْ ألفْ سرْ أندفنْ
الضميرْ ما گدرْ يخفله
***
شعر
خالد عبد الجبار الفرج