إهداء إلي فلسطين الحبيبة وبمناسبة
انتفاضة الاقصي المباركة
غزة الاسطره
*******
الضفه وعكة وغزه
بشرفهم نالوا .. العزه
صرتم .... احرار.. العالم
وبقلبى .... ليكو .. معزه
وجهادهم . .. كان .... لله
وهتبدأ تانى حياه
تحكيها الناس.... والجده
وصمودهم كان اسطوره
هز .. القرات . السته
وبأذن الله .... منصوره
وهننسى معاكى الشده
والاقصى هيرجع تانى
وهيجى مسافة السكه
ويا غزة انا أسف ليكى
كان نفسى فى يوم أحميكى
ومعاكى أعد العده
انا أسف من خذلانك
من أهلك حتى جرانك
وقلوب أعماها الرده
رافع راية صهيون
ارجوز لابس سلوبته
وعاملى يعنى مثقف
وخواجه لابس كسكته
وأكلت معانا .... العيش
وتخنت مليت .. الجته
وفضلت تقول انا ثورى
وبحب الكوره والدورى
أسأل محروس ومغورى
غلبان ..و لبست ... جاكته
اتريك صهيونى وجاهل
وخدعت الناس والحته
****
الضفه .. وعكه وغزه
بشرفهم .. نالوا . العزه
وقتلهم . مجرم . واحد
بخيانه . وغدر . وخسه
صهيونى وقلبه . الجاحد
القاتل . حرق . الجثه
والدار وقعت فوق راسهم
ولا حد بسرعه نقذهم
ملايين والجبن خرسهم
وقلوب .. الناس مكسوره
حاسه بظلم ومأهوره
وفضيحه بقت بجلاجل
والتانى أقلبها مشاكل
وكتير من الناس مغروره
والناس طلعت مش فاهمه
وتقوله ..الناس... .. بتموت
ولا ينفع تانى سكوت
يصرخ ويقول انا مالى
متسبنى ياعم فى حالى
مشغول بالزيت واللحمه
ومشاكل . غيرها .. كتير
والغاز والعيش والزحمه
ولا قادر تانى افكر
زعلان ومزاجى متعكر
مش فاضى لغزه وحيفا
وجيوبى ... مفيش . تعريفه
ومدام .. النيه .... شريفه
انا حاسس يوم هتمطر
****
الضفه ... وعكه . . وغزه
بشرفهم. نالوا.. ..العزه
والتانى عاملى سياسى
وعملها مهنه اساسى
لا بس طربوش و منشه
م الصبح ينام للمغرب
والليل يعمل ميت زفه
تسمعله كلام مغلوط
الباشا بيملى شروط
وكأنه هيفتح .. عكه
وإن قلت دراستك إيه
يتخض صحبنا البيه
أتريه كان راسب سته
والتاني عاملي حاوي
ومصدع رسنا غناوي
مخصوصه لعمي قناوي
والصوت بيرج الحته
والتاني عاملي فكاهي
يسخر من خلق اللهِ
واهي دنيا ومشيه تلاهي
ويضيع العمر أونطه
والتاني عاملي مداوي
ويبيع للشعب فتاوي
ياما شفنا منها بلاوي
علي شربه وانجر فته
مابقاش فى الدنيا ضمير
وانا عقلي يا ناس هيطير
ويادوبك فاضل تكه
وشبابنا يا عيني عليه
كان عايز يعمل بيه
مش لائي حتي الفكه
شغلانه و طلعت فلصو
وكتير من الناس اتقرسو
احلامنا طلعت سكه
م الاخر كله .. هاجايس
ما يفيد الشعب .. الايص
غير لقمه وشغله وشقه
وعروسه و بنت حلال
ولا عايز جاه ولا مال
غلبان على أد الحال
والاشيه هتصبح عال
بزياره عظيمه لمكه
الضفه وعكه...... وغزه
بشرفهم نالوا العزه
********
