ذنبك فى رقبة مين \الشاعره شيماء يوسف
ذنبك فى رقبة مين؟
ضناى يانور العين
نبكى عليك بالدم
ينزل على الخدين
كم من السنين عشت
سنه واحده ولااتنين
وموتك لكل البشريه
نقطه سودا على الجبين
بشر قلوبهم حجر
والحجر من منظرك هيلين
كل ذنبك انك عربى
ومسلم فى خانة الدين

على الشط مرمى على وجهك
ميت وانت ساجد لربك
مين بالمروءه يجيب حقك
حزننا عليك للأبد باق
وفى قلوبنا يكون خلدك

روح ياضناى فى امان الله
كم طفل قبلك مات
وما يعرف اى ذنب جناه
منظرك على الشط مرمى
ابداً مستحيل ننساه
رمز لحزننا ورمز كلمة أه
نذكرك دايماً فى قلوبنا
ما دامت فى عروقنا حياه
بموتك تكتب خلودك
ولضمير البشريه تكتب شهادة وفاه
حقك يجيبه ربنا فى علاه
ذنبك انتمائك للعروبه
وكونك من وطن بلاجاه
ياكل طفل سورى
لك الله لك الله
وفى كل ظالم حسبنا الله