يا دنيا أسمعينى خلاص أنا جيت ....
وكل أبوابك كمان دقيت ...
ما خليت لحاره ولا شارع ولا بيت ...
وبدموع العين معاكى بكيت ...
ده الستر معاكى يا دنيا هو اللى أتمنيت ..
وليكى كتير يا دنيا ياما راعيت ...
ليه دايما معانده معايا ...
وليه هواكى مش موافق هوايا ...
هى أيه حكايتك يا دنيا معايا ...
يا دنيا يا معانده الأحباب ...
معاكى ما خليت ولا باب ..
قوليلى لو كنت فيكى أنا من الاغراب ..
ومتقدر عليا فيكى العذاب ....
يا دنيا قوليلى إيه بس مالك ....
ليه معايا متغير حالك ...
ده أنا اللى مألف وملحن موالك ...
أسمعينى يا دنيا هقولك كلمتين ...
بحق كل دمعه نزلت من العين ...
وبحق الآسيه اللى فيها عايشين ...
أقولك لازم يا دنيا أكون من الصابرين ...
وفى يوم هتفتكرينى ومش هكون من المنسيين ...
يا دنيا أسمعيهم وحطيهم فى الودنين ...
يا دنيا أنا مجتهد ومش من اليائسين ...
قوليلى طريق الفرح أمشيله منين ...
يا دنيا ليه كلك الم وأنين ..
وليه عوزانا نكون من المجروحين ..
يا دنيا خلاص أنا جيت ...
ولأبوابك كلها دقيت ...
أسمعينى يا دنيا ....