انا طفل سورى وبهدومى غريق وباصرخ تغيثونى
ومن بلادى هجرتونى والدمع بحر وفى عيونى
أمى وأبويا فقدونى وماتوا غرقى وسابونى
وهاجروا وبدون شكل قانونى وسابوا ديارنا على عيونى
صهاينة السبب مع أمريكان وأوروبا برضه هم كمان
زرعوا الفتن اشكال والوان وحرقوا البلد ده فى كل مكان
وفهموا الدول العربية وقالوا ثورات عربية
وقسموها لشيعية وضد سنة وعربية
دمار وقتل وحرق كمان وإبادة لعروبة الإنسان
والشعب أصبح كده لاجئين وهاجروا لاوروبا هربانين
وبدون لا رحمة ولا عرف ودين قتلونا برضه الاوروبين
منعونا ندخل كده أحياء وغرقونا بكل دهاء
أهلى وعشيرتى غرقوا كمان والبحر يشهد مع الحيتان
ايه ذنبى اغرق بهدومى وبفضل منهم دفنونى
بأصرخ فى صرخة تهز الكون حرام عليكوا يا اهل العون
دمى فى رقابكو ليوم الدين عرب صهاينة أوروبيين
لبنى وطفولتى حرمتونى وفى البحر برضه غرقتونى
وعشان ما يعنى انا سورى بسرعة قاموا ودفنونى
لو كنت اوروبى او صهيونى كانوا فى ساعتها انقذونى
ويقولوا يعنى حقوق انسان ايشمعنى العربى اللى بيتهان
ديمقراطية وحرية وهى تفرقة عنصرية
باصرخ وأقول انا طفل برىء وربى عليكوا برضه شهيد
ويقولوا أمم المتحدة وهى شياطين متحدة
يارب طفلك كده مظلوم غريق فى دنيا اثام وشرور
مع تحيات الفقير الى الله