يا ناااااااااس

يا نااااااس بسأل أمتى أمتنا هتفيق ....

أمتى يكون الضمير أبيض بدل اللون الغميق ..

من فتره مات الدره واليوم طفل سورى غريق ...

وأحنا ليه بس فى نوم ومش عاوزين منه نفيق ..

من العراق لسوريا لليبيا وليه كلامنا لبعضنا مش بيليق..

حد يقولنا ده فى أى دين ...

أن أولادنا بس هما اللى يكونوا مقصودين ..

آآآآآآآآآآآآه يا صرخه جوايا ...

وعينى عليكم يا ضنايا ....

دمعى من العين جف وقلبى حاسه مش جوايا ..

يا عينى مابقاش فيكى خلاص دموع ..

ويا قلبى حاسك والله موجوع ..

يا رب بنستجير بيك أجرنا ..

بلاش غضبك يا كريم يشملنا ..

يا دموعى مالك على خدودى عملتى خطوط ..

على طفل قبل ما يتولد بيموت ...

والعالم كله بيتفرج ومخيم عليه السكوت ..

عراقنا خلاص أنهار ...

وسوريا أصبحت دمار ...

وليلنا مش عارفينه من النهار ..

آآآآآه والف آآآآآآه ....

من عالم مات الضمير جواه ...

يا رب أنت الأمل وبأيدك أنت الحياه ...

يا رب أنت الأمل وبأيدك انت الحياه ....

بقلــــــم: عــــــادل الشــــــــهــــابى