جارى التحميل
استخدم زر ESC أو رجوع للعودة
...............** للتاريخ **....................
-----------------------------------------------------
فى ناس بتقرا التاريخ
صفحه وصفحه لأ
وساعات تسيب ملزمه
وفيها كل الحق
عشان اللى فيها .. مهش راكب مع مرادها
صرفت نظر عنّها... لمّا لقتها حق
يللّى بتقرا التاريخ
اقرا الكتاب كلّه
عشان بقى لمّا تحكم
يبقى كلامك صدق
إزّاى نصدّق كلامك.. وانت متحيّز
بودن واحده بتسمع... والتانيه تتأوّز
وعين على اللى انت عاوزه
والتانيه قافلها
ومهما ناس تنصحك
بالعند تجادلها
الرأى مش لك لوحدك
قريت وما استوعبت
لمّا حكمت عثرت
وللباطل ميّلت
إصحى لا تظلم برىء.. وانت مش حاسس
صلّبت رأيك.. ونظرك .. للحق مش باصص
كده يا صاحبى حرام
الحق نور ساطع
ما ينكروش إلاّ جاحد
بينكر الواقع .
..........................( رفعت فايد ).
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي