((** صرخة أُم **))
صرخة أُم مكتومه
جواها ومين يسمعها
علشان صبحت محرومه
من ضناها وآآه يا وجعها
والصرخه دى لو تتسمع
تبكى أى قلب سعيد
طالعه من قلب بيتوجع
ده قلب أُم الشهيد
إبنها ضاع
برصاص الغدر
خناقات وصراع
كان زى البدر
وأه يا إبنى يا نور عينى
يا أغلى ورده فى بساتينى
قطفوك معدومين الضمير
وكتبه الحُزن على جبينى
مع السلامه يا ولدى
يا دمى وروحى يا سندى
دايماً يا ولدى كُنت تقول
أموت أنا وتعيش بلدى
ولإمتى هنفضل كده
الدم ع الأرض بيتفرد
وقولب تبات متنكده
وألف دمعه بتتولد
وألف دمعه بتتولد