مطبخ الزوجيه :
لما فيوم بقف فالمطبخ جنب المدام
مببقاش عارف اركز فالريحه ولا الكلام
مراتي بتعمل احلي صواني لحمه
وانا رايح شغلي بخطف حته
اقول اتسلي بيها في الزحمه
انزل اروح شغلي الساعه سته
ارجع من الشغل جثه هامده
اشم ريحة الأكل الريحه جامده
اقولها الروايح بتجوعني حرام
نفسك فالأكل بيزيد الغرام
من كتر ماباكل كتير
طخنت اليشوفني يقول يامجير
رحت عند دكتور التخسيس
ضربته مسكوني وطلبلي البوليس
فكل مره يكتبلي روشته!!
نرفزني استعملت معاه الشده
ضربته وجيه خدني البوكس
فالسجن العيشه مش لوكس
لو قعدت فيه هخس
مين للأكل يجيله نفس
وهوه محبوس بين الحيطان
فالسجن بجد العيشه اطران
لو مت مهيسمعوليش حس
الدنيا ساقعه مين يدفيني ؟!!
كام بوكس آاه ياعيني
فينك يامدام فينك يانيني
شويه سقعان وشويه حران
وغرامه لطعم الحياه تنسيني
كل ده عشان بقف جنب المدام فالمطبخ
غصبن عني مراتي بتعمل احلي سمك مبطرخ
حاولت كتير امشي كل يوم ساعه
في الرايحه وفالجايه بتتريق عليه البياعه
ام سمير بتاعة الفطير
طول عمرها بتحب التكشير
بقيت اول مابتشوفني بتبقي حالتها حاله
بقيت بتضحك اول مابتشوفني
امشي قصادها بشفط كرشي
بردو تضحك تعصبني تنرفزني
لولا انها فسن امي
كنت ضربتها باي حاجه
بطلت في الشارع امشي
بقيت بقعد كتير فالبيت
اول ياناس مابتشوفني جيت
بتتحول لغتها للغة خواجه
انا غلطان اني اتجوزت
كفايه اكل ابعدي يابت
مراتي بتفرح بقعودي جنبها
بتحتفل بتعملي كتير محشي
تأكلني اقولها كفايه ماينفعشي
ورغم طخني ورغم رفعها
مبحقدش عليها وهفضل احبها
انا هسافر وهبعد عنها
يمكن لما ابعد اخس
يمكن للأكل مايجيليش نفس
حبيبتي مش بتغذيني
حبيبي تقريبا بتزغطني
كتر الأكل طخني
حبيبتي كتير مهتمه بيه
بشوف فعيونها حسن النيه
كل مره تقولي ياصبري
لو بتحبني جرب طبخي
مراتي فقلبها عطف وحنيه
زمان انا كنت رفيع
امتي هرجع تاني ارفع؟!!
قولتلها ياحبيبتي الطخن آذيه
قالتلي كل وهبت فيه
قولتلها انتي بتزعقيلي ياعاليه ؟!!
انتي بتعلي صوتك عليه ؟!!
انتي منين جبتي القاسيه؟!!
ينفع تعملي كده فيه؟!!
قالتلي خلاص ياسعت البيه
الضغط عالي وساءت المزاجيه
قالتلي هعملك سمك فلايه
خوفت اعترض تولع فيه
قولتلها بحبك قربي مني
الأول كنتي عليه تحني
قالتلي لو مكلتش من اكلي
مش هتشوف تاني وشي
قولت شكلها نويه تموتني
مطبخ الزوجيه احلي مافيه هيه
من النهارده هترجع تاني الرومانسيه
هيه مهما تغضب عليه
بترجع تاني تحب فيه
مراتي طيبه مش شرانيه
مراتي قلبها كله حنيه
كلمات شعر بالعاميه
بقلمي احمد عادل عبد الرحيم
