جارى التحميل
استخدم زر ESC أو رجوع للعودة
![](https://fbcdn-profile-a.akamaihd.net/hprofile-ak-prn2/1115760_100007091769518_1674532411_q.jpg)
احتفال فى مدح النبى
صلو يلا يا حاضرين على النبى الهادى الامين
يوم ميلاده هل نور
وامه امنه جالها حور
يوم سعاده يوم سرور
رحمه للناس اجمعين
++++++++++++++++
انطفت للفرس نار
والبحيره ماءها غار
والايوان اتهز صار
شرفاته مهدودين
+++++++++++++++
الخبر للجد راح
راح وشال زين الملاح
شاله طاف بيه ف الصباح
كعبة البلد الامين
++++++++++++++
الشفا شافت عجايب
واتان حليمة سبق الركايب
يالى حاضر يالى غايب
صلو ع الهادى الامين
++++++++++++++++++
السعادة جت وحلت
لما وصلت بيه ودخلت
بركاته عليها خلت
اهلها متعجبين
++++++++++++++
قالو للغلمان بتوعهم
يلا شوفو غنمنا مالهم
الغنم جاعت بطونهم
وغنمها شبعانين
++++++++++
جالو جبريل شق صدره
والكريم رفعلو ذكره
النبى الغالى الى قدره
فوق جميع المرسلين
_+++++++++++
فرحو بيه اهل المدينة
قالو نوره جاى علينا
ايها المبعوث فينا
رحمة للعالمين
+++++++++++++++
النبى هو حبيبكم
قال حبايبى فى شوق اشوفهم
هو شفيعى وشفيعكم
اصل احنا مذنبين
+++++++++++++
ربنا صلى عليه
ليه ما بنصليش عليه
فى القيامة ها نلاقيه
عند رب العالمين
++++++++++
ربنا هى يصلى عشرة
ع الى صلى بس مرة
ف القيامة يلاقى حسرة
اللى ما طاعش الامين
+++++++++++++++
صلى ما تخشاش ملامة
ع المظلل بالغمامة
ها تلاقيه يوم القيامة
عند رب العالمين
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي