‏اسر فاروق‏

رسالتك وصلت
رسالتك وصلت يا ارهابي
يا اللي قتلت أعز أحبابي
اللي بيحرسوا كل الدنيا
وأنا مطمن فاتح بابي
رسالتك وصلت إنك قاتل
وإنك خاين وإنك فاشل
وإنك شاذ وعقلك فاضي
وإنك عاشق الدم السايل
كل الشعب وشاف لرسالتك
وأكد فجرك وخلاص عرفك
مهما تحاول تخفي ف نفسك
الارهاب شيء جاري ف دمك
دينك مش دين الاسلام
لماما قلت الدم حرام
وأتعديت علي حرمة عظيمة
قتلك للنفس يا إجرام
أوعي تفكر إننا خفنا
أو أعمالك راح ترهبنا
أصحي وفوق انت وملاعينك
في الايام الجاية خلاصنا
كل الشعب هيتصدي لكم
وهيوريكم وهيعرفكم
إن الروح والدم المصري
أغلي من كل اللي ف بالكم
رسالتك وصلت بس هننمشي
لو عيننا حتي ما تنامشي
وهنعبر جسر الارهاب
مهما حاولت تغذي وترشي
كلمات الشاعر بالالم والحزن والاسي
آسر فاروق طرباي
وحسبي اله ونعم الوكيل