‏اسر فاروق‏

شهيد المنصورة
خارج يجيب الاكل لعياله
ماشي بتاكسه علي مهله وف حاله
رامي حموله ع اللي يوم خلقه
ماف نيته يأذي ولا حد أوحي له
راجل عظيم الطبع والاخلاق
يشهد عليه الشارع وزمايله والاوراق
عمره ما زعل حد في حياته
حتي اسمه محمد من أجمل الاسماء
قابله مظاهرة من شلة الاخوان
قافلين طريق عمومي ببنات وبالصبيان
حاول يعدي من وسطهم منعوه
سبوه وقالوا له انت عميل وجبان
مكفهومش كده شدوه من التاكسي
دبحوه وقع ع الارض بالدم بقي ماكسي
وشوهوا وشه وبالسلاح طعنوه
قتلوه بكل نداله ودمروا التاكسي
لا في حس ولا فيه دين
قال ايه دهس له اتنين
خلوا الجزيرة تصور
مع بعض متفقين
لا شوفنا حد اندفن
ولا حتي شوفنا كفن
واللي اندهس منهم
ما اتعالج في التأمين
بيكدبوا عمرهم ويبرروا دبحهم
وكأن من حقهم
يدبحوا في الخلق
ويكسروا القوانيين
لكن احنا بنقولهم
فيه رب بيمدهم
بالظلم والطغيان
لكن هيرجع لهم
محمد وراح شهيد
عند رب العبيد
دماه وعايشه فينا
ماشية في كل وريد
وان كان علي القصاص
مفيش ف ايدينا رصاص
هناخده بالمحكمة
محناش في غابة يا ناس