عاشق سمار طينك
وف عز ما أنا محتاجلك بناديلك عاشق سمار طينك
بلف الدنيا وأرجعلك أغيب وروحى تندهلك
بحبك يا وطن غايب وبدعى لك ف يوم ترتاح
وأقول دى كبوه و تعدى وترجع لينا م الاحرار
نلملم توبك الابيض وأمسح م الدموع عينك
يا أغلى عندى من نفسى مهما غيابك عنى طال
حاضن لكل جدار يا شمس نهار ما تغبشى
يا ليل عاشق لكل حبيب يا وطن عايش جوانا
افرد شمسك فوق جبينى حراره الدنيا ما بتكفينى
ضمتك ليه تروى حنينى بحلم تعود من تانى
حاضن كل أحلامى مهما تبعد يا وطن وتتغير ملامحك
راجع أكيد من تانى وها نكمل المشوار
نكتب على كل جدار بحبك يا مصر
ونتلاقى وتتلاقى فرحتنا ويعود حضنك الدافى
