** يا قلب تابع **
مظبوط شغلك يا قلب تابع
عمرك ما تبقى للهوا تابع
خلّيك ماشي هيك أريحلك
لا تفتكر شي يوم بسمحلك
تقلّي بانّك للهوا راجع

لازم طريقك تتركه كلّه
و تغيّره منشان تتعلم
بتعرف دروبك كلّهن فشلوا
ما تروح تبحث عادرب أسلم
شوف اللي قبلك بالهوا وصلوا
شوف اللي بعدك جربّوا و حصلوا
و ما في حدا قدّك تعب
و ما في حدا قدّك غلب
ما في حدا تألّم
معناتها عندك خلل
مفروض تعرف يا قلب شوّي العمل
بدّك حدا عالحب يشرحلك
منشان يبقالك أمل
حبّك ما لسّا قلب يجرحلك
و ما تكون لسّا للهوا خاضع
لا لا يا قلبي ما رح اسمحلك
تقلّي بانك للهوا راجع

بيخطر على بالي الهوى و بعنّ
و أفكار بتروح و تجي و أشجان
مدري الهوا مثل الهوى بيهدا و بعود يجنّ
مدري الهوا ادمان
مدري أنا ضعيف و بعد ما في الي خبرة
مدري أنا ضعيف و ععصفه ما الي قدرة
مدري كلامي صح مدري بهل حكي غلطان
كلما بيبعد قلبي عنّه بيرجع و بحنّ
و كل ما بقرر اتركه بينزل ألف عَبرة
عَبرة أسف عَبرة ندم
عَبرة أمل عَبرة ألم
عَبرة أسى و حرمان
يا ريت فيّي يا قلب البواب افتحلك
يا ريت فيّي اغلقا
ريتك حجر صوّان
تا ما أحاول بعد اصفحلك
نزواتك و ما يكون في دافع
قلّك بانّي ما رح اسمحلك
انّه تقلّي للهوى راجع