جارى التحميل
استخدم زر ESC أو رجوع للعودة
![](https://fbcdn-profile-a.akamaihd.net/hprofile-ak-prn2/1118210_100002577747608_2073829212_q.jpg)
يوميات عسكرى
يا بلدى بقولك إطنمى
عمرى ما هسيبك تنحنى
أنا واقف على حدودك حاميها
وحواليا حصون بتتبنى
يا بلدى بقولك متخافيش
أموت أو أعيش ميهمنيش
المهم تفضلى بكرامتك
وتفضلى عاليه متنكسريش
يابلدى مهما الزمان دار
أنا بروحى ودمى عامل حصار
على كل خاين وكل ظالم
وبحميكى ليل ويا نهار
يا بلدى يشهد عليكى الزمان
إن إنتى يا بلدى أصل الأمان
وعمرك ما هتكونى أبدا ضعيفه
ولا هتشوفى ذل أو هوان
يا بلدى أنا وإخواتى العساكر
كل واحد فينا فاكر
خيرك علينا وعلى أهالينا
ولا عمره كان لجميلك ناكر
يا بلدى فيكى كل فلاح
قاعد وجاهز للكفاح
يكافح لأجلك ولأجل أرضك
حتى من غير ما يمسك سلاح.
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي