‏محمود الأمين‏

بحبِك ونفسي 
أعيش اللي جاي
كُلُه عشانك 
وأنسي الوجود 
وأنسي حتي نفسي 
وأسكُن مكانك 
بقرب وخايف 
من طعم الشفايف
وببعد وبرجع
أشتاقلك ونفسي 
أكون بس عارف 
ليه ببعد وبرجع
ليه حُبِك بيوجع 
ياطارحه فــ سنيني 
من قبل أوانك 
ياورده فــ جناين 
يا فرحي اللي باين 
ياحُبي اللي دوب 
قلبي فــ حنانِك 
بحبِك ونفسي 
أعيش اللي جاي 
كُلُه عشانك 
سيبيني ألملِّم 
شعرك بكفي 
خليني أضُمك 
ده حُضني يكفي 
ولو قولت أوفي 
حُبك مابقدر 
ولو هعيش مستني
سنين قُدام بيبانكـ 
بحبك ونفسي 
أعيش اللي جاي
كُلُه عشانك 
حياتي اللي أعيشها 
لو ليكي هعيشها
وأزاي بس أحوشها 
دي ملك لزمانك 
عسلك يحلي 
طعم المرار 
بتقتلني منك 
ساعات الإنتظار 
معاكي اللي نفسي فيه بلتقيه 
ولو يخلص كلامي إنتي تكمليه 
عاشق بحبك وأحب اللي حبك 
وأصونك ونفسي 
تصوني اللي صانك 
بحبك ونفسي 
أعيش اللي جاي 
كُلُه عشانك