مافيش بيني و بينها كلام ..
و لا دخلت في يوم قلبي ..
و لا سكنت في يوم جنبي ..
و لا قولنا لبعض سلام ..
هي يدوم كانت مرة ..
و بالصدفة عدا طيفها قدامي ..
ضحكتلها و رحتلها و قولتلها ..
تقسميني .. حياتي عمري أيامي ؟
و لا صدت و لا ردت ..
و لا همست و لا لمست ..
و لا رمشت و لا غمزت ..
يمكن هي حبتني ..
و بعتتلي جواب و إتنين ..
و قالت للي يعرفها ..
بإن إحنا خلاص حبيبين ..
و إني خرجت وياها ..
و إني دوبت في هواها ..
و إني سكنت جواها ..
و جبتلها كمان دبدوب ..
و رسمنا علي الأوراق
أولادنا و حروف و قلوب ..
و إني نصبها من الدنيا و أنا المكتوب ..
و إني رحتلها أدق الباب ..
و قولت لأبوها و لأخوها ..
ارحمني دا حبي عذاب ..
يمكن نكون كتبنا كتاب ..
يمكن تكون عملتلي عمل و حجاب .
أنا قلبي برئ منها
و لا دق في يوم ليها
و هي لو تروح يعني ..
هيجي ميه بعديها ..
لا انا دايب و لا سايب ..
معاها مشاعري في إديها ..
* * * * *
حبيبتي بصي من الأخر
أنا ما أعرفش أكون كداب ..
أنا هحكيلك القصة ..
و لو يحصل لوم و عتاب ..
أنا أعرفها .. يدوب من الشات ..
بكلهما ساعات و ساعات ..
و عايش حبي وياها ..
برغم البعد و المسافات ..
و لا أقدر أتوب عنها ..
و لا ههرب في يوم منها ..
أنا حبتها من الأخر و حبيتك .
و قلبي لسه متشعلق ما بين ..
بيتها و بين بيتك ..
* * * * *
حبيبتي بس سامحيني ..
ما بمنعكيش تحبيني ..
و عارف إني جواكي ..
و معاكي عمري و سنيني ..
أنا ظلمتك معايا كتير ..
لكن و الله مش ذنبي دا حب كبير ..
أنا نفسي أطير و أطير ..
نفسي أضمها في إيدي ..
و إيدي التانية وياكي ..
و أقسم عمري في عنيها ..
و باقي عمري أهواكي ..
أنا ما بقتش عارف أنام ..
أنا أسف إني بكتر في الكلام ..
أنا أصلي بعيش عمري مع الأحلام