بحبك يابت
هو انت مش عافه!
وﻻ إنتي بتستعبطي
وعاوزاني ألت ..كتير
ياتعيطي
هي مره قلتها بلساني
وصدقتي.. ﻹن أنا صادق
وفتشتي في وجداني
وكان دلعك..ياباااااي
حادق
إكبري بقي
وإسألي شجره التين
وبحلقي
وحلقي
لما بكون وحدي تحتها
بﻻقيني برضه إتنين
أنا وإنت في كل طرفه عين
والشمس تحرقني
وتلسعني
ومستنيكي تعدي
وتعدي
مفيش غمزه
مفيش كلمه وﻻ همسه
وأبحلق
في طرف كعبك
زي الرمان
واستني الهوا يحركلك
حته من توبك
وأشوف النار
ﻻ الهوي بيقوم
ويغلب عنيا النوم
وأحلم
لكن حلمي مش بيدوم
بتصحيني خضتك
ولهفتك
لتلدغني عقربه
بﻻقيكي مقربه
بتجري
بتهشي ناموسه بتمص دمي
قوم يا سيدي
مش كفايه عليا همي
وأفتح عنيا عشان أضمك
بﻻقي سراب
ﻻ إنت عديتي
وﻻ شفت كعبك
والهوا لما قام
بس مﻻني تراب