لما نني يبكي مني
أصرُخ وأقول إيه جرالك
أنده عليكي علشان تستني
وماشية إنتي ولا واخدة بالك

تجري الدمعة ف عيني تصرخ
وتقول أهـــــــــــــــــة؟؟؟
والأهة في قلبي تــــدبــح
لا حــــــول الله
علي طول قدامك ولا شفياني
وتزيد أحـــزاني يـــوم و التاني

ولا عارف مــالك يا بلد
ولا إيــه جــــــــــرالك
وكل يوم يموت لك ولد
وتـــــــزيد أحــــزانــك

وتكتمي الأهة جوا منك
وتـوجعيني غصب عنك

وكل يــوم تـــلاقي مني
ف كل حتة وكل شارع
ع الرصيف والمــــزارع
ع الطريق اللي طــالع
وتسألي اللي راجـــع
عن سبب حزنك وحزني

وتلاقي يا أما الإجـــابة
ف عيون عيالك الغالابة
قــاتلوني يا أما الديابة
ورمـــوني ع الطـــريق

معلش يا أما غصب عني
ضـــاع فجاءة عمري مني
دلوقت بس عرفت مــالك
من كتر يا أما اللي جرالك

بيبكي النني مني
وإنتي نن عيني وإني
لو هاموت كل يوم عشانك
يبقي كفاية عليا إني
ما خونتش اللي مني
وكفاية عليا إني
أمـــوت بين أحضــانك

يا كل أيامي وسنيني
ياريت مـرة تسمعيني
علشان ف قبري تريحيني
خلي بالك علي حالك
عاشق تراب بلدي