‏‎‏

كيف الحال
*************
كيف الحال ياخال
كيفك وكيف العيال
مالك ما تسأل عني
ولا أنا مش ع البال
طمني عليكم
كيف عندكم الأحوال
وحشتني حفلات السمر
ولمة العيله ف الليل بالدوار
ووحشني براد الشاي
والمطر عمال شغال
مالك ليك زمن ما كلمتني
يارب يكون خير الفال
طمني علي الأهل
وكيف عندكم الأخبار
قولي ايه الأحوال
بيقولوا عندكم ثوار
وان القتل عندكم
شغال عمال علي بطال
وهو صحيح الكلام ياخال
هم الخال وقال ياولدي
الحال بقي غير الحال
واتغيرت هنا كتير الآحوال
وما بقينا حبيب زي زمان
الحال ياولدي ساء ومال
وأنا ناوي علي الترحال
ياخال اهدا شويه وأصبر
بكره تهدا وتتعدل الأحوال
بس فهمني ايه اللي صار
اللي صار ما ينحكي منه
غير ان الزمن علينا جار
وان البلد كلها بفت دمار
وبقت حياتنا كلها أسرار
وما بقينا ياولدي عارفين
ايه حقيقة اللي بيتقال
الكل عمال بيهيص
والاولاد بتموت فطيس
ومش عارفين
مين اللي ع التاني جار
وأنا ياولد ما عدت صغير
ومالي هنا لا زرع ولا مال
ومحروم كمان من العيال
يبقي ايه جابرني ياولد
علي بلد حال ولادها مال
كفاياك ياخال كثرة الترحال
انت كبرت والصحه
مش تساعدك ع التجوال
اهدا شويه ياخال أصبر
وبكره راح تتغير الأحوال
والبلد كثير محتاجاك
لاجل ماتربي العيال
تعلمهم كيف الصمود
وكيف يكونوا خير الرجال
ومايختلفوا وكيف يحافظوا
علي الحدود
تعلمهم تاريخ وأمجاد الجدود
وكيف حضارتهم
علي العالم بتسود
وكيف يكونوا أسود

صفاء عبد ربه