أنا ما بقتش أفكر ليه ..
بتيجي كتير في أحلامي و بتروحي ..
و ليه الحلم ما يكفيش .. ..
و ليه عايش مع جروحي ..
و ألف قصيدة بكتبها ما بتساعكيش ..
و ليه ألواني تعاندني ما ترسمكيش ..
و ليه إسمك بيتردد في أشعاري ..
و ليه إنتي إلي تختاري ..
ميعاد الحلم .. و ليه ديما في أفكاري ..
و ليه فاكر أدق أدق تفاصيلك ..
كأني عمري ما نستكيش ..
في نص الليل أسمع ضحكتك بترن ..
أقوم و أجري علي التليفون ..
كأني راكبني مليون جن ..
أفضل أبص في الساعة ..
كأن الوقت شماعة ...
أقول يمكن تكون صاحية و هتجيني ..
تدخل أوضتي في الضلمة و ترقيني ..
في عز البرد و بصوتها تدفيني ..
تصحيني .. تقولي خلاص ..
أنا جاية .. و ألقي دموعي في عنيا ..
من الفرحة .. ما بتكفيش ..
و نتعاهد و نتواعد .. معايا تعيش ..
نرسم بيتنا أنا و هي .. في أغنية ..
و لو في الحلم ما تسبنيش ..
أغمض عين و أفتحها ..
و فجأة ألتقيكي مافيش ..
أفضل أنادي علي اسمك ما تسمعنيش
أجري و أسأل الدرويش ..
عن الأحلام .. عن الأيام ....
يقول يا إبني دي كت ذكري ..
من الذكري حاجات بتموت ..
و ممكن جزء منها يعيش ..
أصرخ لا ما تخدعنيش ..
بكره هكمل الأحلام ..
بكره هكمل المشوار ..
ولو حتي أعيش فيها ..
علي الأوراق و في الأشعار ..
و لما أفوق .. أجري بسرعة لمراتي ..
و أحكلها علي حالي ..
ترد تقول و أنا مالي ..
دا شئ أصلا ما يلزمنيش ..
فأتأكد بأنه كان مجرد حلم ..
و إن أقلامي لا ما كتبتكيش
و إن ألواني لا ما رسمتكيش
و إني رغم أحلامي و ألامي ما حبتكيش .