الشاعر عز الدين خلاف‏

ما رأيُكًم
الله يِطَوِّل عمركم
أحكي عن الذوق
والادب
والإحترام
أصل التلاته
حزمه واحده
لو فَرَطْناها
نِفَرّط
في الكلام
******
واحد يقابلك
لاوي بوزُه
وِانتَ لابِينك
ولابِينه خصام
كل الحكايه
إنّهْ كان ناقص
علَام
ماعْرِفْش يِرْسم
لابتسامه (لِبْتِسامه)
زَي ماقال الكتاب
لاهَمُّهْ م الناس
الملامة
ولاهمُّهْ م الناس
العتاب
******
واحد..
مايِعرَفشي
يِنَشِّن ع الكلام
أضْبَشْ
وتنْشينُهْ
علِيه والّه السلام
إن داس على
طرْف الزناد
يايِجْرَحَك
يايِمَوِّتَك
يا إمّا يهدِم
أسرِتَك
******
الله في عُون السيدات
الله في عون كل البنات
من بعد حالِةْ
لانفلات (لِنْفِلات)
طب مش كفايه
الّي بيِحْصل ف الباصات
نَقْصِين تحَرُّش
في الشوارع
والحارات
ليه الأدب
والجدعنه
دلوفتي
صارت ذكريات .