جارى التحميل
استخدم زر ESC أو رجوع للعودة
برغم الحداد إلي مرسوم في توبك
و سرقة تاريخك و سرقة دروبك
قلبي إلي عايش فيكي و ليكي
و بايع حياته عشان يشتريكي
و شايل همومك و سارح في أرضك
و نايم و هايم و و حارس لعرضك
قلبي إلي هايم بحبك سنين
ليلاتي بيقرأ في سورة يس
و يدعي لولادك و بيقول أمين
يجمع اديهم ... يحافظ عليهم
و يستر بناتك الطيبين
و يحميكي ... و يرضيكي ... يخليكي
و يعدل حالك المايل
و أمشي في أرضك أتمايل ..
و ترجع ضحكتك ليكي
و اكتب ليكي من الأشعار و أغنيكي
و ترجع فرحتك تاني
و لا أشوفشي علي ارضك حد يقول
دا إخواني دا ليبرالي يساري و لا علماني
و لا قبطي و لا مسلم
دا كله في التاريخ واحد
و أنا و إخواتي شئ واحد
ساعات الدنيا تبعدنا
لكن وقت اللزوم واحد
أصل أبويا رباني
علي الإسلام و قرأني
و إني في الحياه مسلم
و جدي أصله نصراني
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي