‎‎العندليب أحمد رجب‎‎

راح فين ميدانك
واللي إستشهد علشانك
واقفة ليه بمكانك
ما بتتحركيش

ناسية ليه كيانك
وواقفة ليه بمكانك
وعارفة اللي خانك
وما بتتكلميش

فين حق اللي راحو
واللي عايش بجراحو
مش عارفين يرتاحو
ولا عارفين نعيش

طول ما الظالم أقوّي
وع الضعيف بيستّقوي
مفيش ف قلبه تقّوي
ورحمة وشفقّة مفيش

وإنتي شايفة وساكتة
وكـــأنك جاتّلك ساكتة
ف القلب والشدة والحدة
بيهم ما بتحسيش

يا أمي اها يا بلدي
ساكتة ليه يا بلدي
إنطقي وقوليلي ولدي
يا تلحقي يا ماتلحقيش

كل اللي البـاقي مّني
حقــي وغصب عني
ضـــاع يا بلــدي مّني
ولا قـــــــادر أعيش

أعمل إيه طّيب
مجروح ومين يطّيّب
وقولة حاضر وطيب
ما بتأكلش عيش

مش قادر أسرق منك
ولا قـــادر أرضي عنك
ولا قــادر أقـــــول إنك
يا بلدي مالكيش
نصيب ف إبنك الطيّب
اللي لجراحك بيطيّب
واللي بفقره بيتعيب
علشان ما بيسرقكيش

أخر كلامي ليكي
إرحمي أبوس إيديكي
عملت اللي يرضيكي
ونفسي بس أعيش
مستور أنــــا وولادي
من حقي وحق ولادي
والشكوة لغير الله
مذلة يا بــــلادي
وأنـــا مابشتكيش
يارب لغيرك ما تحوجنيش
أحمد رجب‏