يا مصر يا معلمة
يا مصر يا معلمة
احترت انا فيكي
علمتي كل العالم
والعلم في ايديكي
ليه ولادك كده
بخلا ما تديكي
قفلوا المصانع هنا
وقفت سواقيكي
واتعطل الانتاج
وقفلوا عينيكي
وشلوكي ع القبلة
وبأيه يغطوكي
ملقوش ولا خرقة
عشان يداروكي
مين السبب ف الموت
الكل ظلموكي
قبل ما تفارقي الحياة
ليه ما داوكي
بختك كده معاهم
ياخدوا ما يدوكي
تديهم كل حاجة
وهما ينسوكي
قالوا الكفن جاهز
جايين يشيلوكي
استني فيه واحد
قادر ينجيكي
انا لسه شايف الروح
موجودة اهي فيكي
ببركة الرحمن
فتحتي لعنيكي
وقدرتي تاني تقومي
شيلاكي رجليكي
اندهيهم تاني
جايز يلبوكي
ويحسوا بالتقصير
ويجوا يرعوكي
ويبدأوا تاني
تاني يعلوكي
يا مصر يا معلمة
حلفوا ليدوكي