‏

أنا إلهامك
=========
نتخاصم ونبعد باتفاق
وتغلبنا الأشواق
وتلاقى كل واحد فينا
مش طايق الفراق
واكتب عنك
من غير ما أفكر
كلام يسّْكر
وانا فى الأصل زعلانه
وفى البعد بتأثر
أما أنت ..
بالأقينى فى كل حروفك
الفرحانه ...والغضبانه
تطل صورتى من روحك
وتملا قصايدك العطشانه
وكل اللى يقرالك
يقول روعه
السحر والعذوبه مجتمعه
وأنا وحيك وإلهامك
وأنا المقصوده فى كلامك
لما أقراه ساعات أفهم
وساعات أقول خيال جامح
ده هنا كان بيحلم
وهنا رد على كلام جارح
ولما أسكت الأقيك
بتشبك الصمت حروف
ولما أحزن أشوف فيك
بتلم أحزانى بلا خوف
وتنسج بيها أغنيه
ملفوفه على حزنى
وترميها بعيد عنى
وانا عارفة و بتخبى
بتكتب من حروف قلبى
وأنا وحيك وإلهامك
وأنا المقصودة فى كلامك
....... مريم النقادى .......

رباعيات مريومه