‎‏

رسالة الي كل مصري ( مصري )
--------------------------------

انا مصري....
مسلم ودي ديانتي
وسني الف وشويه
وعنواني يا اخواني
جنب كنيسه مصريه

من صغري وانا باحبي
صاحبي كان اسمه مينا
نفطر سوا ونلعب سوا
ونتخانق ولا حد يحس بينا
ونتعاتب ونتصالح ويقولي
احنا كده تملي لبعضينا
وام فادي وابنها وعم بولا
بتاع الكاكولا دول اهالينا

مكنش في فرقه ولا تمييز
ومحمد زي بطرس او عزيز
محبة وموده وضحكه قلب
صافيه ومايكل كان لذيذ
ده حتي الاحتلال مقدرش
ف يوم علينا ايام الانجليز

سيد صادق