‏اسر فاروق‏

مش هنخاف
مش هنخاف من ارهابكم
ولا هتخاف من نار بنادقكم
ولا هنسلم يوم لكلامكم
ولا هنسيبكوا تعيشوا خيالكم
ربنا رب العرش العالي
نتحمي بيه ما اهو هو الباقي
مبنعبدش الشخص الفاني
لو علماني او اخواني
احنا ولاد الوطن الواحد
قلبنا دايما تلاقية واحد
وقت الشدة ووقت الفرحة
دايما ثابت واقف جامد
غالي وطننا يا خلق علينا
حبنا ليه باين في عنينا
طينة ارضه منها ميلادنا
عايشين فيه وساكن فينا
مش عايزين ولا جاه ولا مال
وهنتحدي للاهوال
مهما خسرنا ومهما عانينا
يوم هنغير للاحوال
كله هيخضع للتأريخ
كله هيذكر بالتواريخ
مين كان ماسك في ايديه علم
مين كان حامل للصواريخ
ممكن ترجعوا يوم لصوابكم
بس الناس راح تحاسبكم
مش هيعدي كده ارهابكم
ولا أجيالنا في يوم هتسبكم
مش هنخاف من ارهابكم
شعر / آسر طرباي