سحر جمال تكتب ........ ايوه بحب

{{ ايــوة بحب }}
كلمات \ سحر جمال حبيب

ايوة غرقت ف بحر غرامه
و انت يا قلبي
جديد ف الحب ...
عايش انت ف سحر كلامه
رافض تسمع
كلمه حد
عاشق صوته ..
عايش بيه
حتى النبضة ..
بتخرج منك ...
تصرخ تنده ايوة بحب ..
حب غريب بيخلى القلب
ايوة اتجرد من افكاره
كانت سايبة جرح كبير
ايوة نسيته ف وقت قصير
فتح القلب
كل ابواب للدنيا عشان
تصبح ليّه اغلى حبيب
حاجة تحير ...
لما تلاقي
كلمة حب تصحي القلب ..
جواه يرشق سهم و كان
عني بعيد بتمنى يصيبنى
يفضل ساكن
جوة جدار القلب سنين
سهم يطيب .. سهم رسالة
مش بقواله اصل حروفها
من دقاتنا جاية تعوض كل ايامنا
و كل ما فاتنا
جاية تقول
باقي العمر دا هوّاه ساعة
لو حا تمر علينا تعوض
كل ما فاتنا
حتى الذكرى مش فاكرينها
غرقت جوه فـــ بحر غرامنا
ضاعت كل ملامح منها
دمعة حزينة او حرمان ..
كل ليالي ..
كات من غيرك نار و عذاب ..
دابت بين لحظة حنية
غطيت موجة من اشواقنا
كل ماضينا وعلى ايامنا
صعب ف يوم ترجع احزاننا
طول ما الحب الساكن فينا
و بيدينا احلى سنين العمر .. هدية
لما يشوف القلب معاك
أحلى غرام ..
و النظرة ... ب ايامي الجاية
ياللى بحبك بشعر عمرى
مهما يطول حا يعدى فــ ثانيه ...

,, الشاعرة سحر جمال ,,