جارى التحميل
استخدم زر ESC أو رجوع للعودة
قصيدة \ بستسمحك
كلمات \ الشاعر عادل عوض سند
مستنى اشوفك والمحك
واستسمحك
واعبى كلّك
جوه عبّى نعطره
وقميصى تانى نزرّره
واقرا ف كلام
ارقيكى بيه
مرّات كتيره نكرّره
ونقرّروا بعديها نقروا البسمله
بعديها نقروا ف سرّنا
سورة الفلق
علشان ما حدّش يحسدك
او يرصدك
او تقصدك
نظره بعينهم تجرحك
واستسمحك
لو جعتى مرّه او عطشتى
إبقى اطلبى
لو عندى زاد
والعِند زاد
حتلاقى برضه
العين دى زاد
والتانيه منها تشربى
طب جرّبى
لو قلبى يرفض
يبقى مرّه مخدعك
إبقى اغضبى
نبضه الحنين
حتلاقيه بيرجّعك
وتشجّعك حنّيّته
واحلف يمين
لتريّحى الخد اليمين
على اى جنب يريّحك
ما هو اى حيّز او فراغ
جوه الضلوع
بقى مطرحك
واستسمحك
واستسمحك ...
مع تحيات جريدة أخبار نجوم الأدب و الشعر
رئيس مجلس الإدارة ورئيس التحرير الشاعر / خالد بدوي