‏الشاعر عز الدين الشعراوي‏

القاهرة في
1-10-2013م
خايفه ليه متخفيش

طلبتي احكي عنك و عني
انا راح البي طلبك بفني
بالعمل مش بالكلام والتمني
خايفه ليه متخفيش

شايف الخوف بين سطورك
بصرخة غرام من حروفك
خلي عنك شكوك و خوفك
انا ملك يمنك و انا روحك
خايفه ليه متخفيش

خايفه ليه من قلب حبك
ليل نهار دايب فى حبك
كل حلمه يكون هوَ قربك
إشتريه وما تبعيه بربك
خايفه ليه متخفيش

مهما كان الصمت كاسك
قلبى أهلك ويَا ناسك
للغرام عاشق وناسك
إحضنيني جوه راسك
خايفه ليه متخفيش

انتي في الخاطر والعيون
فابعدى الخوف والظنون
قلبى حبك والله بجنون
وانت جوه بقلبي الحنون
خايفه ليه متخفيش

نظرة واحده تكفى عينى
بين جفونك اسجنينى
هاتى صوتك اطربينى
كلى شوقي فيكي وافيني
خايفه ليه متخفيش

نادى قلبى كلميه
بين عيونك احضنيه
جوه قلبك سكنيه
وبحنانك دوبيه
خايفه ليه متخفيش

خايفه ليه من انشغالى ؟
بيكي ولا من سهر الليالى
ارحمى قلبى وتعالى قبالي
ماتبعيش واشتريه بوصالي
خايفه ليه متخفيش

ليه غيرتك عليه منك
ما انتي مني و انا منك
مش لوحدك ده هو همك
خايفه ليه متخفيش
خايفه ليه متخفيش
خايفه ليه متخفيش