‏الشاعر عمرو عماره‏

شــعـب اتـظـلــــم

شعب اتظلم
من كل حاكم فات عليه
مرة و حكم
حقه اتهضم
و كأنه مكتوب يقضي
أيامه في ألم
يا شعب عمره سبع تلاف
معظمها كانوا سنين عجاف
عشت الأمان فيهم ساعات
و بقيتها م الحكام تخاف
تحفر قناة
تبني في هرم
تنشئ كباري من العدم
صنعك تاريخ
صمتك صريخ
قولك رضا و حمد النعم
الله عليك يا شعب
مبيعرف ندم
مش لاقي وصف بجد ليك
غير إني أقول
شعب اتظلم

الشاعر : عمرو عماره