بكيت كتير وياما شكيت
من جرح الحبيب يادنا أسيت
اللى بالرخيص باعنى
بالغالى له انا اشتريت
يارايح لحبيبي قوله
من الغدر انا استويت
ومن بعده خلاص انتهيت
وياما لقربه كتير اتمنيت
ياقلب ياللى لطريق
العشق معاه ابديت
ياريتنى مامشيت معاك
ولاعليه صبرت واستنيت
ماهى نهاية العشق
لوعه وفراق ودموع بزيادة
والبكا والنواح عندك هيبقى عادة
وكاس الفرح اللى يوم شربته
ترجع تشربها تانى قهوه سادة
حيره ومرار وفراق ووداع
وبكيت كتير وياما شكيت
من جرح الحبيب يادنا أسيت
اللى بالرخيص باعنى
بالغالى له انا اشتريت