‏‎ كنوز كنوز كنوز
لو بيها عايز تفوز
لازم إعجاب تنال
رضا ربك تحوز
دور عنها ف شبابك
قبل ماتصبح عجوز
إوعاك غرور بقوة
أو مركز أو نفوذ
تحسب نفسك كلاى
أو تشبه توم كروز
ماتحسد يوم لغيرك
اصلها دنيا الحظوظ
ليه تبص للى فوقك
غيرك شارب ف كوز
لو نفسك تبقى راضية
راح تلقى العيشة لوز
راح يبقى لونها بمبى
راح تلقى لونها روز
راح تلقى البركة حالة
والفرد هيبقى جوز
إوعى تطنش صلاتك
ربك دايما تعوز
زكاة تخلق محبة
قريب مسكين تجوز
إياك وتبص بره
أو تسكت عالشذوذ
الجنه فيها حور
فيها الشطئان فاروز
فيها عسل مصفى
فيها تفاح وموز
مالم تراه عينك
ولحم طير وجوز
كنوز كنوز كنوز
لو بيها عايز تفوز