‏ابو عمار المصري‏

يــا بـنـــــــــــت الــإ يــــــــــــــــه
ما تقولى على فين وخد ا نى ؟
حبك نار على طول كاو يانى
لو جنبك أو حتى بعيد
موتى ف حبك ولا جنانى ؟
يا بنت الإيه..عاملة لى إيه ؟
بعشق حتى الظلم معاكى
مهما عملتى برجع اسامح
تغضبى منى ..تنكرى حبى
تجرحى قلبى .دمع عيونى
عليكى بيجرى..
أجرى و ا صالح
واتمسح فى كمام جلابيتك
أ تمرغ على عتبة بابك
وانسى شبابى الدايب فيكى
وافدى شبابك
ما اتأخرشى
أشوف الويل ..أشيل الطين
أسد جراحى بكحل ترابك
أ طهر كل ذنوبى بعرقك
تنزعى حقى .أجيب لك حقك
حتى ان كان من عين الجنى
عشقك ملو العين والننى
وبقول منك
حبلى السرى المادد فيكى
أول مرة حبيت على حجرك
أول خطوة وفاردة دراعك
ترقى .تسمى
أيوة انا منك
غصبن عنى ..وغصبن عنك
آاااه يا امايا
سايبانى ضايع
ناكرة شقايا وبرضه بحبك
سفرى لعندك
عارف عندك
واثقة انا راجع تانى لعنيكى
نفسى أجرب
أحلف واصدق
ما ارجعشى مطاطى على رموشك

ما ارجعشى تكفننى دموعى
واقول سامحينى
يا بنت القلب الدايب فيكى
يام الحبالدايب فيكى
مش ممكن حتهونى علية
حتى ان كنت انا هنت عليكى
بقلم
أبــو عــمــــا ر الـــمـــــصــــــــــــــر ى