وحشتينى يامه
وحشتنى ضحكتك
حقك عليا
أنا سبب بلوتك
أنا ال سبتك
لكل أشكال المرض
تقوى وتكبر
لماهرت جتتك
حقك عليا
وان كنت ضال
أو ابن عاق
ادينى فرصه
أثبت لقلبك انى من غيرك
مانيش هقدر
أكون موجود
واستحملينى لمرة واحده
وبعدها من حقك انت تتصرفى
كما تشائي
وتحكمى
وتتحكمى
وان أسأت ..اعمليلى محكمه
وعلقيلى المشنقه
وأمانه يامه تعدمينى
ألف مرة
واياكى مرة طرف عينك
يلمح عنيا
خايف ف مرة
رغم أساوتى انك تحنى
وترحمينى
أو تاخدك انت الشفقه بيا
كونى قويه
ومفتريه
خلينى عبرة لكل جاحد
وادينى درس
عن تمن كل الخيانه والخداع
واعملى مليون مسلسل
وابقى بطلة كل حلقه
واحكى قصة ابن عاق
ابن ماحسش بأمه
ابن عاش كان كل همه
انه ياخد كل شئ
ابن عمره ماكان برئ
كلمة ابن كتير عليه
مايستاهلش
غير مشنقه
والمشنقه ..تكون سلاسل من حديد
متعلقه ف أكبر ميدان
والمحكمه
تبقى اعدام ال خان
قصدى الجبان
وعشان كده برجوكى يامه
تدينى فرصه
نتلم تانى
وحشانى جدا
ضمة اديكى
مشتاق اليكى
افردي يلا دراعك
واحضنينى
واصرخى جوة ضلوعى
كونى مركبتى وقلوعى
كونى فرحى وبسمتى
كونى زينتى اه وشموعى
وخلى بالك ان ظلمتك
أو أهانتك
أو ف يوم احتجت ليا
وتانى سبتك
جوة أكبر الأماكن
علقيلى مشنقه
وسلسلينى بالحديد
واعدمينى
اعدمينى