‏‎DrManal Afify‎‏

وحشانى يامصر
************
يامصر اشتقت أنا لحضنك
وانا ف حضنك وجواكى

ونبض قلبى بينده لك
وحشتينى وانا معاكى

واحشنى الضحكه من قلبك
واحشنى الحزن ينساكى

واحشنى اشوف خيوط فجرك
تشق العتمة فى سماكى

واحشنى اللمة بين أهلك
واحشنى الطيبة تملاكى

واحشنى قلوبنا تتشبك
تكون لك درع لعداكى

واحشنى الفكرة تتوحد
على كلمة انا فداكى

واحشنى اشوف حروف اسمك
فى كل نظرة تهواكى

واحشنى أكون أنا كفك
وأمسح دمعه فاكراكى

واحشنى أكون أنا نجمك
فى كل خطوة يرعاكى

واحشنى اكون أنا لحنك
فى غنوة حب عاشقاكى

واحشنى الدعوة توصل لك
وعين المولى حارساكى

*******************
بقلمى / د. منال عفيفى