( قومي يا بلدي )

للشاعر : أحمد ابو شرخ

ـــــــــــــــــــــــــــــــــــــــ

قومي يابلدي وعالجي جراحك

حولي حزنك الي أفراحك

وإللي باعوكي دوسى عليهم

إوعي في يوم يشمتوا بنواحك

د إنتي أبيه وإنتي عافيه

ضمي اولادك تحت جناحك

هاتي الراجل اللي يحبك

واللي يهمه كل نجاحك

قومي يابلدي وعالجي جراحك

حولي حزنك الي افراحك

**************

إنسي إلمر وإنسي أساكي

إللي مرارته بتحلي معاكي

ولما يحاولوا يمسوا ترابك

نلقي الكل يموت في حماكي

واللي يحاول يغدر بيكي

ندفن جسده تحت ثراكي

ياما سيوف الحق إنشهرت

للي يعكر صفو سماكي

وقومي يا بلدي وعاجي جراحك

حولي حزنك إلي أفراحك

*************

ياما ولادك قاموا بثوره

علي الظلمه وع الملاعين

فكره يامصر نفس الثوره

قادها عرابي من عابدين

وزغلول باشا في بيت ألأمه

قاد الثورة مع الملايين

وعبد الناصر طهر شعبك

من الفاسده م الملاعين

وحتي إمبارح قمنا بثوره

عملها شبابك في الميادين

دمر فيها الحزب الواطي

اللي اعضاؤه كانت فاسدين

اللي خانوكي وخانوا ولادك

وذلوا الشعب سنين وسنين

يالا..يا ورده ..ويلا يا زين

تموا الثورة ومش راجعين

أيدكوا في إيدنا ..لاجل بلدنا

يا يرحلوا هُمَّ يا مش ماشيين

ومهما رصاص الغدر يصيبنا

حاجه عاديه عليها واخدين

وقومي يابلدي وعالجي جراحك

حولي حزنك الي افراحك